ភ្នំពេញ ៖ ជនល្មោភកាមម្នាក់ ខណៈឃើញក្មេងស្រីកំពុងងូតទឹកក្នុងបន្ទប់មិនដាក់កន្លឹះទ្វារ ស្រាប់តែចូលទៅធ្វើសកម្មភាពចាប់ឱបស្ទាបអង្អែលប្រដាប់ភេទក្មេងស្រីរងគ្រោះ ប៉ងរំលោភ តែត្រូវជាម្តាយក្មេងស្រីរងគ្រោះទៅទាន់ប្រទះឃើញស្រែកផ្អើលឆោឡោ ធ្វើឲ្យជនសង្ស័យភិតភ័យលើកខោរត់។
ហេតុការណ៍នេះ បានកើតទ្បើង កាលពីវេលាម៉ោង៤ និង៣០ល្ងាច ថ្ងៃទី៣០ ខែឧសភា ឆ្នាំ២០១៩ ត្រង់ចំណុចភូមិត្រពាំងស្វាយ ផ្លូវលេខ៩២ សង្កាត់គោកឃ្លាង ខណ្ឌសែនសុខ ។
ជនសង្ស័យល្មោភកាម ដែលចូលចាប់រំលោភក្មេងស្រីក្នុងបន្ទប់ទឹក មានឈ្មោះឡឹក ជាតិ ហៅ វឹក អាយុ៣៣ឆ្នាំ មុខរបរទិញលក់អេតចាយ ស្នាក់នៅភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ចំណែក ក្មេងស្រីរងគ្រោះ មានឈ្មោះ ធ.ល.ដ អាយុ១២ឆ្នាំ ស្នាក់នៅផ្ទះជួលជាមួយម្តាយ នៅចំណុចផ្ទះកើតហេតុ និងមានម្តាយឈ្មោះឡុង ធួន ភេទស្រី អាយុ៤២ឆ្នាំ ។
សមត្ថកិច្ច បានឲ្យដឹងថា នៅមុនពេលកើតហេតុ ជនសង្ស័យបានចេញពីផ្ទះជួល ស្នាក់នៅរបស់ខ្លួន នៅភូមិពោងពាយ សង្កាត់ភ្នំពេញថ្មី ដោយជិះរ៉ឺម៉កម៉ូតូ ដើម្បីចេញទៅដើររើស និងទិញអេតចាយ លុះមកដល់ចំណុចកើតហេតុ បានប្រទះឃើញក្មេងស្រីជនរងគ្រោះ កំពុងតែស្រាតងូតទឹក នៅក្នុងបន្ទប់ទឹក ដោយមិនបានដាក់គន្លឹះទ្វារ។
ដោយឃើញមានសភាពស្ងាត់ល្អបែបនេះ ជនសង្ស័យស្រាប់តែមានអារម្មណ៍ផ្លូវភេទនឹកចង់រួមរ័ក ក៏បានលបចូល ទៅចាប់ស្ទាបប្រដាប់ភេទរបស់ក្មេងស្រីរងគ្រោះ ហើយដៃម្ខាងទៀតស្ទាបប្រដាប់ភេទខ្លួនឯង ដើម្បីរំលោភសេពសន្ថវៈក្មេងស្រីរងគ្រោះ។
ប្រភពបន្តថា ពេលនោះម្តាយរបស់ក្មេងស្រីរងគ្រោះ បានចូលមកក្នុងផ្ទះតែមិនឃើញកូនស្រី ក៏ស្រែកហៅបណ្ដើរដើររកកូនស្រីបណ្តើរ ស្រាប់តែឃើញជនសង្ស័យកំពុងលើកខោស្លៀកនៅក្នុងបន្ទប់ទឹក ចំណែកកូនស្រីរបស់ខ្លួនអាក្រាតកាយទៀត ក៏ស្រៃកផ្អើលឆោឡោធ្វើឲ្យជនសង្ស័យភិតភ័យលើកខោរត់ តែត្រូវបានអ្នកជិតខាងនាំគ្នាព័ទ្ធចាប់ជនល្មោភកាមនេះ បាន ប្រគល់ឲ្យសមត្ថកិច្ចមូលដ្ឋាន ហើយស្រ្តីជាម្តាយក្មេងស្រីរងគ្រោះបានដាក់ពាក្យបណ្តឹងចោទប្រកាន់ជនសង្ស័យ។
ជនសង្ស័យខាងលើ ត្រូវសមត្ថកិច្ចនាំមកឃុំខ្លួនបណ្តោះអាសន្ន ដើម្បីធ្វើការសាកសួរ និងកសាងសំណុំរឿងចាត់ការតាមផ្លូវច្បាប់៕ប្រភព kbn
