ភ្នំពេញ៖ ចំពោះអំពើពុករលួយតាមរយៈ មេធាវី ដែលបានយកលុយពីកូនក្ដី ដាក់ស្រោមសំបុត្រជូនមន្ត្រីតុលាការ ជាថ្នូរនិងការរត់ការរឿង អនុវត្តច្បាប់លឿន កែរឿងពីខុសមកត្រូវ ពីត្រូវមកជាខុស ដើម្បីឈ្នះក្ដីជាដើម។ល។
ជាការឆ្លើយតប!គណៈមេធាវី កាលពីថ្ងៃទី៣០ ខែសីហា ឆ្នំា២០១៩ បានចេញសេចក្តីថ្លែងការណ៍មួយ ដោយអះអាងថា៖ នឹងពិនិត្យលើសកម្មភាពប្រកប វិជ្ជាជីវៈ របស់មេធាវី អោយបានម៉ឺងម៉ាត់បំផុត ហើយសហការជាមួយស្ថាប័ន
និងអាជ្ញាធរមាន សមត្ថកិច្ចពាក់ព័ន្ធ ដើម្បីអនុវត្តអនុសាសន៍ សម្តេចតេជោ ហ៊ុន សែន អោយមានប្រសិទ្ធភាពខ្ពស់!! ។
យោងតាមកិច្ចប្រជុំប្រចាំ ឆមាសនៃឧត្តមក្រុមប្រឹក្សាពិគ្រោះនិងផ្តល់យោបល់ កាលពីថ្ងៃទី២៨ ខែសីហា ឆ្នាំ២០១៩ កន្លងទៅ ។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បញ្ជាអោយលោក អង្គ វង្ស វឌ្ឍនា រដ្ឋមន្ត្រីក្រសួងយុត្តិធម៌ ធ្វើការពិនិត្យបញ្ហាមិនប្រក្រតីនៅក្នុងប្រព័ន្ធតុលាការកម្ពុជា ជាពិសេសបញ្ហាពុករលួយតាមរយៈមេធាវី,,,! ។
សូមរម្លឹកថា៖លោក ឈឹម ផលវរុណ អគ្គលេខាធិការនៃឧត្តមក្រុមប្រឹក្សាពិគ្រោះនិងផ្តល់យោបល់ បានថ្លែងថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាទៅ លោក អង្គ វង្ស វឌ្ឍនា រដ្ឋមន្រ្តីក្រសួងយុត្តិធម៌ ឱ្យពិនិត្យមើលភាពមិនប្រក្រតី អំពើពុករលួយ ដែលកើតឡើងនៅក្នុងប្រព័ន្ធតុលាការកម្ពុជា! ។
ការដាក់បទបញ្ជារបស់ សម្តេចតេជោ ហ៊ុន សែន នាពេលនេះ បានធ្វើឡើងនៅក្នុងកិច្ចប្រជុំជាមួយសមាជិកឧត្តមក្រុមប្រឹក្សាពិគ្រោះ និងផ្តល់យោបល់ កាលពីព្រឹកថ្ងៃទី២៨ ខែសីហា ។
ដើម្បីពិនិត្យការងាររយៈពេលមួយឆ្នាំនៃស្ថាប័នមួយនេះ សម្រាប់រកចំណុចកែលំអរ និងជំរុញប្រសិទ្ធភាពការងាររបស់ឧត្តមក្រុមប្រឹក្សាពិគ្រោះ និងផ្តល់យោបល់។
លោក លោក ឈឹម ផលវរុណ អះអាងថា “សម្តេចតេជោ លោកបានបញ្ជាទៅ រដ្ឋមន្រ្តីក្រសួងយុត្តិធម៌ ឱ្យពិនិត្យពីភាពមិនប្រក្រតីនេះ ដែលមានការពុករលួយ ប្រើតាមរយៈមេធាវី តាមការលើកឡើងរបស់ ឧត្តមក្រុមប្រឹក្សាពិគ្រោះ
និងផ្តល់យោបល់ថា៖ បុគ្គលដែលជាចៅក្រម ព្រះរាជអាជ្ញា គាត់មិនមែនទៅយកលុយផ្ទាល់ពីពលរដ្ឋទេ គឺមេធាវីទេ ដែលគាត់ជាអ្នកយកលុយ ហើយយកទៅចែកបន្ត”។
លោកបានបន្តទៀតថា “តាមរយៈហ្នឹងហើយ ដែលអំពើពុករលួយ អាថិ៍កំបាំងណាស់ អ៊ីចឹងហើយប្រតិភូគណបក្សនានា បានលើកពីបញ្ហានេះ ហើយសម្តេចតេជោ បានចាត់តាំងឱ្យ រដ្ឋមន្រ្តីក្រសួងយុត្តិធម៌ ត្រូវពិនិត្យ ពីលទ្ធភាពតើត្រូវមានវិធានការយ៉ាងណា ដើម្បីទប់ស្កាត់ភាពមិនប្រក្រតី នៅក្នុងប្រព័ន្ធយុត្តិធម៌”។
ក្នុងនោះសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញអនុក្រឹត្យមួយស្តីពី “ការកែប្រែនិងការដំឡើងប្រាក់បំណាច់ចៅក្រមនិងព្រះរាជអាជ្ញា” ចុះថ្ងៃទី២៤ ខែឧសភា ឆ្នាំ២០១៩ ។
យោងតាមអនុក្រឹត្យនេះ ប្រធានតុលាការកំពូល និង អគ្គព្រះរាជអាជ្ញាអមតុលាការកំពូល ទទួលបានប្រាក់បំណាច់ចំនួន១០លានរៀល ឬ ស្មើនឹង២,៥០០ដុល្លារអាមេរិក។
ក្រៅពីនេះ មន្ត្រីតុលាការផ្សេងទៀត គឺទទួលបានប្រាក់បំណាច់តាមឋានានុក្រម៕
