តាមប្រភពពីសារព័ត៌មានដើមរាំងខេត្តឧត្តរមានជ័យ៖
ដោយយោងតាមសេចក្តីរាយការណ៍បានឲ្យដឹងថា៖ ដីព្រៃគុបនិង ព្រៃស្រោង រាប់រយហិកតា ដែលស្ថិតនៅផ្លូវយុទ្ធសាស្រ្ត តាមបណ្តោយជើងភ្នំដងរ៉ែក
ក្នុងភូមិសាមគ្គី ឃុំត្រពាំងប្រិយ ស្រុកអន្លង់វែង ត្រូវឈូសឆាយ វាយបំផ្លាញ ដោយគ្រឿងចក្រ ដើម្បីយកដី ពីសំណាក់ក្រុមឈ្មួញ ដោយមានការឃុបឃិត និង ចុះហត្ថលេខា ដោយលោកស៊ូ ណាត មេឃុំត្រពាំងប្រីយ៍។
បើយោងតាមសម្តីអ្នកស្រីមូល ណេន ប្រធានសហគមន៍ព្រៃសាមគ្គី បានអោយដឹងថា៖ ដីព្រៃដែលឈូកឆាយខាងលើ គឺជាកម្មសិទ្ធ របស់លោកឧត្តមសេនីយ៍ទោអ៊ុក គឹមលី ដែលមានតួនាទី ជានាយករងទីចាត់ការ ការងារព្រំដែន អគ្គបញ្ជារការ តែរឿងលោក ទទួលបានសិទ្ធឈូសឆាយព្រៃ រឺទិញ ពីអ្នកណាក៏ពុំដឹងច្បាស់ដែរ។
ជុំវិញករណីខាងលើនេះដែរ លោកឧត្តមសេន៍ទោ អ៊ុក គឹមលី បានអោយក្រុមការងាយើង ដឹងតាមទូរស័ព្ទ នៅព្រឹកថ្ងៃទី៣១ ខែកក្កដា ឆ្នាំ២០១៩នេះថា ដីព្រៃនោះមិនមែនកម្មសិទ្ធលោក តែម្នាក់ឯងទេ តែឈ្មោះជាតំណាងគេទាំងអស់គ្នា។
ចំណែក លោក ស៊ូ ណាត មេឃុំត្រពាំងប្រីយ៍ បានបញ្ជាក់ថា៖ លោកពិតជាបានចុះហត្ថលេខាលើដីព្រៃទាំងនោះមែន តែយោងតាមការស្នើរសុំ ពីពលរដ្ឋ ធ្វើលិខិតកាន់កាប់ដើម្បីខ្ចីលុយធនាគារ។
មេឃុំបានបន្តថា៖ រឺឯឈ្មោះអ៊ុក គឹមលី លោកក៏បានចុះហត្ថលេខា ប្រគល់ដីព្រៃគុប ចំនួន២៥០ហិកតា អោយដែរតែមិនមែនជាការលក់ទិញទេ តែជាថ្នូ នៃការធ្វើផ្លូវ អោយប្រវែង០៩គីឡូម៉ែត្រ ក្នុងភូមិទឹកជប់។
ពលរដ្ឋនៅខេត្តឧត្តរមានជ័យ បានលើកឡើងថា៖ ខណៈពេលដែលសម្តេចតេជោ កំពុងតែមានវិធានការទៅលើ មន្ត្រីមូលដ្ឋាន លួចឃុបឃិតគ្នា លក់ដីដែលគ្រប់គ្រងដោយរដ្ឋ និងថែមទាំងបញ្ជូនទៅACU ចាត់ការតាមច្បាប់។
តើសម្តេចមានវិធានដែលរឺទេ ចំពោះមេឃុំឈ្មោះស៊ូ ណាត ដែលយកតួនាទី ទៅឃុបឃិត ជាមួយក្រុមឈ្មួញ ក្នុងការបំផ្លិចបំផ្លាញធនធានធម្មជាតិ ដែលជា សម្បត្តិរដ្ឋនោះ រឺ ក៏ទុកបណ្តោយអោយលោកមេឃុំ ជើងល្អរូបនេះ បន្តប្រព្រឹត្តអំពើរពុករលួយ និងបំផ្លាញព្រៃឈើ ដែល សេសសល់ក្នុងខេត្តមួយនេះ ត្រូវរលាយតែម្តងរឺយ៉ាងណា?៕
