ភ្នំពេញ​៖​លោក​ ពេជ្រ​ ស្រស់​ ប្រធាន​គណបក្ស​យុវជន​កម្ពុជា​ និង​ ជា​សមាជិក​ឧត្តម​ក្រុម​ប្រឹក្សា​ពិគ្រោះ​និង​ផ្តល់​យោបល់​ឋានៈ​ស្មើ​ទេសរដ្ឋមន្រ្តី​ ប្រកាស​គាំទ្រ​អាចារ្យធំ​ ដោយសារ​អាចារ្យធំ​មាន​គំនិត​ថែរក្សា​វប្បធម៌​ជាតិ​ខ្មែរ​ ។

លោក​ពេជ្រ​ ស្រស់​ សរសេរ​តាម​បណ្ដាញ​សង្គម​ហ្វេសប៊ុក​ កាលពី​យប់​ថ្ងៃ​ទី​១៣​ ខែ​ឧសភា​ ឆ្នាំ​២០១៩ ថា”ខ្ញុំគាំទ្រអាចារ្យធំ ពីព្រោះខ្ញុំស្គាល់ចរិតអាចារ្យធំច្បាស់ ហើយខ្ញុំគាំទ្រអាចារ្យធំគឺជាសិទ្ធិរបស់ខ្ញុំ​ ហើយខ្ញុំធ្លាប់ផ្តល់ថវិកា​៥០០ដុល្លារ​ ដល់អាចារ្យធំគឺក្នុងន័យខ្ចីពីខ្ញុំ ក៏ប៉ុន្តែខ្ញុំបាទមិនទទួលការសងត្រឡប់វិញទេ ដោយសារតែអាចារ្យធំគឺជាយុវជនមានគំនិតថែរក្សាវប្បធម៌ជាតិខ្មែរ​របស់យើង”។

ទេសរដ្ឋមន្រ្តី​ ពេជ្រ​ ស្រស់​ និង​ ជា​ប្រធាន​គណបក្ស​ពុំ​បាន​ទទួល​កៅអី​ក្នុង​រដ្ឋសភា​ អះអាងទៀតថា​ “ខ្ញុំគាំទ្រអាចារ្យធំមិនមែនត្រង់គាត់ជេរគេទេគឺខ្ញុំគាំទ្រត្រង់គាត់ហ៊ានស្រែកការពារនូវវប្បធម៌ជាតិខ្មែរជាងអ្នកខ្លះមិនបានធ្វើអ្វីសោះសម្រាប់វប្បធម៌ខ្មែរ​”៕