ដំណឹងមរណភាពរបស់ ស្ថាបនិកមន្ទីរពេទ្យគន្ធបុប្ផា ឯកឧត្តមសាស្ត្រាចារ្យវេជ្ជបណ្ឌិត បេអាត រិចឈ្នឺរ ( Dr. Beat Richner) ធ្វើឲ្យប្រជាជនខ្មែរទូទាំងប្រទេសសម្តែងការរន្ធត់ចិត្ត និងសោកស្តាយជាខ្លាំង។ យ៉ាងណាមិញក្រោយពីមានដំណឹងអកុសលបែបនេះ ក៏មានផលិតករ និងតារាចម្រៀងជាច្រើនបាន​បញ្ចេញនូវបទចម្រៀងដែលបង្ហាញពីការសោកស្តាយ និងបង្ហាញពីគុណបុណ្យនៃមន្ទីរពេទ្យគន្ធបុប្ផា។

ជាក់ស្តែងណាស់ កញ្ញា ព្រំ រីតា ដែលត្រូវគេស្គាល់ថាជា DJ វតី បានធ្វើការចែករំលែកជាថ្មីនូវបទចម្រៀងមួយបទដែលមានចំណងជើងថា “មន្ទីរពេទ្យគន្ធបុប្ផា”។ យ៉ាងណាមិញបទចម្រៀងមួយបទ កញ្ញា ព្រំ រីតា បានបញ្ចេញតាំងពីចុងឆ្នាំ២០១៧ មកម្ល៉េះ ក៏ប៉ុន្តែកញ្ញាក៏បានចែករំលែកជាថ្មី ដើម្បីជាការដឹងគុណបុណ្យ ឯកឧត្តមសាស្ត្រាចារ្យវេជ្ជបណ្ឌិត បេអាត រិចឈ្នឺរ ​ជន​ជាតិ​ស្វីស បាន​ចំណាយ​ពេល​ស្ទើរ​ពេញ​មួយ​ជីវិត​របស់​លោក ​ដើម្បី​ជួយ​សង្រ្គោះ​ជីវិត​កុមារ​កម្ពុជារាប់លាននាក់ ដោយលោកតែងតែធ្វើការប្រគុំតន្រ្តី​មូលនិធិនានាដើម្បី​ទ្រ​ទ្រង់​មន្ទីរ​ពេទ្យ​គន្ធ​បុប្ផា​។ តោះមកមើលវីដេអូនៅខាងក្រោមនេះ៖=>ចុចលើរូបភាពខាងក្រោមដើម្បីអានព័ត៌មានផ្សេងៗ