គួរឲ្យអាណិតណាស់! ក្មេងអាយុ២ ខែ ម្នាក់ ត្រូវម្ដាយបង្កើតយកមកបោះចោលនៅទីបញ្ចុះសព ប៉ុន្តែសំណាងល្អមិនស្លាប់ (មានវីដេអូ)

1429
រូបភាពនិងអត្ថបទទាក់ទង
Loading...
Spread the love
  • 8
    Shares

ហ្វីលីពីន ៖ វាជាហេតុការណ៍គួរតក់ស្លុតមួយដែលបានកើតឡើងក្នុងខេត្ត Quezon ប្រទេសហ្វីលីពីន កាលពីថ្ងៃទី ២៨ ខែ ឧសភា ដោយក្មេងប្រុសវ័យទើបនឹង ២ ខែម្នាក់ត្រូវបានម្ដាយបង្កើតយកមកបោះចោលនៅចន្លោះផ្នូរពីរនៃទីកន្លែងបញ្ចុះសពមួយកន្លែង។ ទារកកំសត់ត្រូវបានប្រជាជនដែលមានការព្រួយបារម្ភប្រញាប់ចូលទៅជួយទាន់ពេល បន្ទាប់ពីពួកគេលឺសម្លេងក្មេងតូចស្រែកយំ។ ក្រោយពីធ្វើការពិនិត្យរួច វេជ្ជបណ្ឌិតបានឲ្យដឹងថា ក្មេងតូចត្រូវបានទុកចោលនៅកន្លែងបញ្ចុះសពនោះអស់រយៈពេលជាច្រើនម៉ោងហើយ។
[ngg_images source=”galleries” container_ids=”4″ display_type=”photocrati-nextgen_basic_slideshow” gallery_width=”600″ gallery_height=”400″ cycle_effect=”fade” cycle_interval=”10″ show_thumbnail_link=”1″ thumbnail_link_text=”[Show thumbnails]” returns=”included” maximum_entity_count=”500″]

បច្ចុប្បន្នអាជ្ញាធរមូលដ្ឋានកំពុងធ្វើការជួយមើលថែរក្សាក្មេងប្រុសតូចនេះដែលមានឈ្មោះថា Louis។ ទោះជាយ៉ាងណា មិនយូរប៉ុន្មានស្ត្រីឈ្មោះ Gloria Perez ដែលត្រូវជាជីដូនរបស់ក្មេង ក៏បានបង្ហាញខ្លួន និងប្រាប់ឲ្យដឹងពីអត្តសញ្ញាណកូនស្រីបង្កើតរបស់គាត់ឈ្មោះ Lara Sentillas ថាជាម្ដាយរបស់ក្មេង។ក្រោយមកមន្ត្រីប៉ូលីសក៏ធ្វើការចាប់ឃាត់ខ្លួននារីជាម្ដាយ ហើយរៀបចំពាក្យបណ្ដឹងប្រឆាំងចោទប្រកាន់ស្ត្រីរូបនេះពីបទព្រហ្មទណ្ឌពាក់ព័ន្ធនឹង “ការបោះបង់ចោលកូនរបស់ខ្លួន”។

របាយការណ៍របស់ប៉ូលីសពាក់ព័ន្ធនឹងហេតុការណ៍បង្ហាញឲ្យដឹងថា ក្មេងតូចត្រូវបានគេលឺស្រែកយំនៅកំឡុងម៉ោងប្រហែលជា ៩ ព្រឹក។ យោងតាមសម្ដីអ្នកស្រុកម្នាក់ឈ្មោះ Angel Castillo បានឲ្យដឹងថា នៅទីបញ្ចុះសព គឺសម្បូរទៅដោយឆ្កែអនាថា និងសត្វកកេរ ជាច្រើននៅកំឡុងពេលយប់។ ដូច្នេះក្មេងតូចពិតជាសំណាងណាស់ដែលមានអ្នកបានស្ដាប់លឺក្មេងតូចយំ ហើយចូលទៅជួយយកចេញពីទីនោះទាន់នៅខណៈពេលព្រឹក៕
សូមទស្សនាវីដេអូខាងក្រោម៖
 

Facebook Comments